Ino Nasionale Veneto
La mùxica la xe baxà so la "Juditha Triumphans" de Antonio Vivaldi, conpoxitór veneto on mucio inportante, exeguìa pa selebrar la vitoria veneta a Corfù, co xe stà libarà la ixola da l’asedio sol 1716.
Visita e scolta: http://www.innonazionaleveneto.net/
NA BANDIERA,
NA LÉNGOA,
NA STORIA
(Ino del Popolo Veneto)
Na Bandiera, na Léngoa, na Storia
Le ne dà siviltà, forsa e gloria (e gloria!)
E ’l futuro splendor le tien alto
Del gran pòpolo fiol de San Marco (San Marco!)
Na nasion, un cor solo, na vóxe
Cei (1) e veci, toxati e tóxe
Che ’ntel cor i conserva ’l Leon
No i se ciama mai vinti,
I fa sù i fondaminti (2)
De un nóvo doman.
Ne dà lustro ’ntel móndo la nostra onestà
E la voja de far e de dare na man.
Fen fiorire (3) la tera dai mónti al mar
Defendémo la paxe e la libartà
Tuti insieme co un solo cuor
Tuti insieme na sola Nasion
Rento el cor conservémo el Leon
No sarémo mai vinti,
Fon (4) sù i fondaminti
De un nóvo doman.
Viva! Viva! Viva! Libartà!
Senpre! Senpre! Senpre! Libartà!
Par Tera, Par Mar : San Marco!
NOTE:
1- Cei: veneto trevixàn e feltrìn-belunexe; veci vocabolo veneto jenerale dal venesiàn al veronexe; toxati doprà on fià inte'l visentino e trevixàn; tóxe doprà inte'l veneto sentrale e polexàn: sto verso el raprexenta idealmente la union de tuti i Veneti, de difarente età e sèso, ma anca de difarente proveniensa jeogràfica.
2- Fondaminti: veneto polexàn, doprà qua pa question de rima co vinti.
3- Fen: parola veneta trevixana doprà pa raxón mètriche; fiorire, veneto sentrale, el demostra on progrèso in armonia co l’anbiente e le risorse naturali.
4- Fon: veneto feltrino-bellunese doprà pa raxón mètriche; méso rente a fondaminti (come anca pì sóra fen fiorire), xe on sìnbolo de la unità pluralista veneta: le sfumadure de la lengoa che le se fonde co armonìa inte on ùnico verso le riciama el popolo vèneto, fato de difarenti realtà locali ma bòn de prexentarse inte'l mondo in maniera unitaria.
A mi 'sto ino me fa star ben dentro.
- Tute ´e imagini, loghi, audio, video e fail de testo, riprodoti qua, i ´partien ai so rispetivi prop´ietari.
- Tuti i deriti i xe riservai.
- Tute que´e altre imagini originai, i loghi, audio, video e fail de testo i xe copirait © 2008 de Mario Ma´aguti
- Tuti i deriti i xe riservai.
- Nome del dominio: MA´AGUTI.ORG
- Dominio registrà l´8 Lu´io 1998 04:00:00 UTC
- Richiedente el dominio: Mario Ma´aguti
- Posision de´a pagina: http://www.malaguti.org/racc/tv/ino_nasionale_veneto.html
- Reaizada in data 11 Novenbre 2009 a´e ore 15,20
- Ultimo agiornamento in data 11 Novenbre 2009 a´e ore 16,20
- Tuti i deriti xe riservai.
- Par promovar Oiram el me blog!
- e par promovar marioma´aguti el me secondo blog!