Ecce mi nove pensata!

Perque io participa continuemente al lista Interlng?
Pro facer practica con Interlingua, obviemente.
Totevia qual es le resultato que io pote consequer con le assidue participation al lista Interlng?
Illo es, valutate ben le consequentias, o le proponer un texto e, si il vadera ben, obtener un responsa, o le responder a un message precedente, e sempre si il vadera ben, obtener un altere message consequente. Al contrario io inviara comocunque un texto e toto se exhaurira in iste action.
Il es como dicer que le participation al lista Interlng, de norma, produce necun responsa sequente, ni un collaboration reguardante mi uso de Interlingua.
Al contrario, il succede que io pote obtener un responsa de parte de uno qui non ha comprendite ben mi message. Si io habera mal fortuna, iste message constituera mesmo un action que non me potera facer placer. Il se tractara de un responsa offensive, o proxime a esser offensive.

E alora perque contribuer al lista quando io pote, in alternativa producer paginas web?
On legera mi paginas web?
Io non pote saper ora isto, totevia jam Interlingua es pro su mesme un defia, e de consequentia considerar un secunde defia es solmente un question de modeste entitate.
In un pagina web, in ultra, io potera intervenir e ameliorar mi texto, crear link, deler los completemente o in parte. In un pagina web io habera un nivello de libertate superior a illo que depende ab le participation a un lista de messages.
Quando io volera annunciar un pagina nove, ben, io potera facer recurso a un lista o a un chat. Le probabilitate de venir legite es le mesme de participar al lista Interlng.